Интервју – Економска независност на жените

Драги жени,

За денес имам убава емисија да споделам од нашата Viki Ristoska на една важна тема на којашто јас лично работам многу, а и голем број од вас, верувам.

Благодарност на Вики што во емисијата не’ има повеќе од група и од мојот директен круг (Андријана Филипоска СрчоковаAna Jordanova-DubrovskaVerica Ognjanova😊

Гостување на Ирена во подкастот на Јосиф – WellCast with Josif: “Јакнење на самодовербата на жените во бизнисот”

Гостување на Ирена во подкастот на Јосиф – WellCast with Josif: “Јакнење на самодовербата на жените во бизнисот”

Гостувањето на Ирена во подкастот на Јосиф – WellCast with Josif на тема “Јакнење на самодовербата на жените во бизнисот” можете да го погледнете на овој линк:


https://www.youtube.com/watch?v=hhkg03lHxgY

Femmes Mythiques #4 : Irena Jakimova

Femmes Mythiques #4 : Irena Jakimova

Ирена беше дел од подкастот, серија интервјуа FEMMES MYTHIQUES, за жени на кои им е потреба инспирација и мотивација од други жени коишто се успешни во својата област.

Интервјуто можете да го погледнете на овој линк:
https://www.youtube.com/watch?v=cr1Xg3_ntZQ

Following a Path of Consistency, Belief and Resilience

Following a Path of Consistency, Belief and Resilience

Во интервјуто за Business Woman Today, на годишнината од основањето на Инспирит Коучинг, Ирена Јакимова вели:

 

 

  

 

“Дозволете им на вашите соништа да се појават пред вас. А, за да ги исполните, потребни се храброст и смелост, потребно е време, истрајност, верба и отпорност и издржливост за да се продолжи напред. Ќе има неуспеси и резултати кои не сме ги посакувале, но, можеме да научиме да не гледаме на нив како на лични загуби, туку како на вредни лекции.”
Целото и интервју со кратки, практични совети за градење на еден бизнис и еден бренд, можете да го прочитате ТУКА.

Irena Jakimova: Following a Path of Consistency, Belief and Resilience

You are always enough as you are

You are always enough as you are

With an MBA in General Managment, multi-lingual Irena is founder of INSPIRIT Coaching – a company that has already developed a track record of training hundreds to boost their confidence and self-worth. We don’t just remember our inner child, we also carry her in our hearts, bodies and minds. How is that manifested? Well, we may not be aware that many of the older beliefs and feelings we first developed at a younger age, actually still run our lives today. Even our businesses, too. I have worked a lot and continue to work on healing and embracing my inner child, as well as the ones of my clients, and believe me, the biggest leaps and transformations come from that place. Here are some words of love and reassurance for my younger self:
  • Developing, learning and growing is an endless process. However, you are always enough as you are.
  • You are allowed to make mistakes and discover new ways. You are allowed to make and spend money, you are allowed to serve the world with your work.
  • It is safe to be seen, heard and successful. Your success doesn’t take away from others. It can only contribute.
  • You don’t have to be perfect and don’t compare yourself. You are unique. We all are.
  • Finally, if you ever feel doubt and find yourself asking “Who am I to …?” – remember, you are the one. Your capabilities and desires didn’t come to you by chance.
Excerpt from the article

Inner Child: 8 Leading business women advise their younger selves

If you had the chance to go back in time, what would you tell your younger self?
By  London Business Magazine | March 1, 2022 Read the full article HERE.
ТИ СИ ТАА – двомесечна програма за зајакнување и лична реализација на жените

ТИ СИ ТАА – двомесечна програма за зајакнување и лична реализација на жените

Дали сакате да се приклучите на едно патување за да стигнете до поголема самодоверба, да се запознаете и зајакнете себеси, да креирате јасна визија каде сакате да одите до крајот на годината?

Дали сакате да допрете до себе, до својот потенцијал, до своите вистински способности, лидерски капацитети и соништа?

Почнуваме со програмата на 10 март 2021 година (среда) од 18.30 часот, преку Zoom!

За кого е корисна оваа програма?


За жени од сите возрасти и професии, сопственички на бизнис, менаџерки, уметници, занаетчии, едукатори, вработени во компании, студентки, самовработени, невработени, учеснички во јавниот живот…

Со оваа обука (програма), ќе добиете:

– работа на себе, нови сознанија и техники за внатрешни промени што водат до нови резултати;

– поддршка од тренер (ментор), со примена на интересни, креативни и проверени водечки светски методологии за личен развој, особено наменети за жени;
– професионално и животно искуство од менторката и некои гости;
– поддршка од група други жени што сакаат да одат напред во развојот и примената на својот потенцијал.

Како: 
Онлајн средби според светска програма, изведени преку кратко предавање, вежби, водење лична работна тетратка,
Присуство во ексклузивна FB група за размена на искуства, знаења, дополнителна мотивација.

Кога: 
18:30-20:30 часот, секоја СРЕДА од 10.03.2021-28.04.2021.

Имате можност да застанете, да се погледнете себеси, своите желби, планови, досегашни чувства, своите дејствија и… да го почувствувате својот потенцијал, својата женска креативна енергија.
.
Што е она што можете, што сакате, што ве довикува, а вие сте го замолчувале до сега? Што е она што можете?

Ова е програма за жените да разберат зошто и како се сокриваат себеси.

Ако некогаш сте помислиле: „Која сум јас да….?“

Одговорот е: ТИ СИ ТАА.

Ти си таа што можеш да направиш повеќе, да бидеш повеќе, да оствариш барем 1 нов чекор кон твоите соништа. Ти си таа што може да си ја стави себеси најголемата забрана и да си ја даде најголемата дозвола за напредок. Ако ова ти значи, те чекаме во наредната група!

Датуми:

10 март 2021
17 март 2021
24 март 2021
31 март 2021
07 април 2021
14 април 2021
21 април 2021
28 април 2021

Рок за пријавување и уплата:
8 март 2021

Секоја учесничка добива на подарок и производи за нега на пат од врвниот француски бренд URIAGE!

Цена на програмата: 5,900 ден.
Или: 3 рати по 2,000 денари.

Во цената е вклучен ДДВ (18%) – нашиот придонес кон државата и домашната економија.

Специјалната цена за рана уплата до 25 февруари е 4,900 денари!

За пријавување и повеќе информации
(кои се темите, придобивките, начин на работа) пишете на: sabina@inspirit.mk, 078/ 261 298.

Сомнежот

Многу често работам со жени, индивидуално или во група.

Луѓето често ме прашуваат што точно работиме. Дали нешто учиме? Какви се тие (коучинг) разговори што ги водиме? Дали е тоа обука или е терапија?

Ја мислев темава од насловот уште откако ја завршивме летната двомесечна обука за жени, ја мислам уште повеќе откако ја објавивме најавата за есенската група што почнува од октомври, ја мислам секој ден кога правам план за индивидуалните сесии со клиентките што се сега во пакет индивидуална програма… Но, нешто што прочитав некаде на социјалните мрежи, нешто што, всушност, два-три пати го прочитав, ме насочи да и’ дадам и „локален“ призвук, боја, емоција….

Прво да кажам дека, во сесиите секако учиме и нови вештини, нови сознанија и знаења, нови начини на размислување, релации со себе, со другите, со енергијата… Но, она што прво и најмногу го работиме е – да ги откриеме внатрешните пречки, ѕидови, да ги пронајдеме местата каде што самите се запираме…

Тие можат да бидат во вид на одредени мисли, за коишто веруваме дека се вистинити и според кои се управуваме во носењето одлуки и преземањето постапки. Потоа, тие постапки ја сочинуваат и управуваат нашата животна патека… Тие можат пречки, мисли, чувства можат да бидат различни, но, едно е над сите, пред сите, најчесто се појавува, а тоа е – сомнежот во себе.

Оваа практика е раширена и позната во светот, секако дека ја имаат и мажите. Она на што сакам овде да се осврнам, а, од што, верувам, ќе имаат корист и жените и мажите, е праксата и податоците дека тој сомнеж многу почесто и поизразено се јавува кај жените.

Овде ќе ги прескокнам истражувањата и доказите на неврологијата (како работи нашиот мозок) и други аспекти на психологијата, а ќе се задржам на аспектот на антропологија и култура. Нашата локална, а, може и – Балканска култура. Под култура подразбираме – како се прават работите кај нас. Во што веруваме, како одредуваме што е добро, што е лошо.

И, тука започнува „тренингот“. Од мали нозе жените се тренирани да бидат мирни, послушни, да не се истакнуваат многу, најчесто да ја реализираат својата вредност преку маж, преку грижа за другите или, ако ја реализираат својата вредност преку работни достигања, тоа е често пати на „машки“ начин – со многу правење, морање, напор… Често пати, тие не се ни видливи во своето семејство и своето окружување, а ако се видливи, често пати се на удар на критики.

И, во тој суров свет на очекувања, доделени улоги, места и правила, во тој свет на тренирана условеност со генерации – жените длабоко во себе цементираат една верба дека треба многу пати да се проверат, да се подготват, да знаат се’ (интелектуално, во умот), да го имаат најдобриот начин, многу да се трудат (по можност и да се мачат што повеќе), многу да прават и постојано – да се сомневаат во себе.

Тој сомнеж во себе не може да се искорени, но, може да се препознае, ублажи, да му се даде посоодветно место (како советник, на пример, ама, хонорарен, повремен), да се препознае како се појавува, кога се појавува, какви се речениците со кои ни зборува, какво е чувството што ни го буди и, најважно од се’ – дали не’ мотивира на подобрување и акција, или не’ запира?

Мојата порака е кратка и едноставна: пронајдете каде се’ ве запира вашиот сомнеж и обидете се да правите чекори, да преземате активности со него под рака! Не бркајте го, не чекајте го да си оди. Нема да си отиде. Чекорете напред со него под рака. Се’ она што треба да подобрите, да усовршите – можете да го направите по пат. А, можеби и ќе научите дека и не морало да биде изведено на тој начин како што вие сте го замислиле. Можеби, можело и полесно, и поедноставно.

Пред да ја почнете оваа пракса, дајте му шанса на следново размислување, пробајте ги следниве прашања/вежби:

„Каква би била, кога би знаела дека сум сосема доволна и сосема во ред со самото мое раѓање и постоење?“

„Каква би се појавувала во мојот живот и како би се однесувала, кога би верувала дека ова е вистина – дека сум доволна и вредна со сето тоа што го веќе го имам и со самото тоа што постојам?“

„Кога би верувала дека сум сосема доволна и сосема вредна со самото мое раѓање и постоење, кои одлуки би можела да ги донесам, кои промени би тргнала да ги правам, кои чекори би ги презела?“

Ирена Јакимова, Професионален обучувач за возрасни и тренер (coach), ментор за личен и професионален развој

Inspirit Coaching

 


Извор: zenskimagazin.mk

Ирена Јакимова: ВРЕМЕ Е ЗА ИНОВАТИВНОСТ

Ирена Јакимова е основач и сопственик на компанијата Inspirit Coaching која се занимава со советодавни услуги за поединци кои сакаат да го подобрат својот професионален и деловен капацитет. Разговаравме за потенијалот кој го поседува секој поединец и можностите истиот да го претвори во деловен и професионален успех!

Ирена, се знаеме одамна, долго време се договараме за овој разговор, и се’ некако одложувавме, бевме презафатени да седнеме и конкретно да поразговараме. Чувствуваме дека  сега е клучно време за овој разговор.  За нашите читатели, можеш ли да ни кажеш неколку реченици за твојата работа со Инспирит Коучинг?

Верица, благодарам за оваа прекрасна  можност, да поразговараме и да пренесеме некои пораки на надеж и инспирација во времиња кога голем дел од вниманието на луѓето е зафатено со грижи. Изгледа дека ова е вистинското време за поголема свесност за иновација, иако, така може да се каже за секое време. Јас и мојата фирма се занимаваме со трансформација на потенцијалот на луѓето и го претвораме во резултати. Клиентите или доаѓаат сами, како индивидуални лица, или преку компанија што не’ ангажирала. Преку водечки светски методи ги менуваме начините на размислување, ги прескокнуваме заедно сите невидливи пречки што им стојат на патот до посакуваната промена, до успехот и личната (или компаниска) реализација. Тоа го работиме преку разни курсеви, програми во група, или, пак, индивидуално, 1 со 1.

Порано имавме многу обуки и такви работилници во живо, па и на други локации. Од оваа пролет, речиси сите се онлајн. Водам групи онлајн, а работам и индивидуално со клиенти, онлајн.

Нашиот пазар не е лесен, тој допрва (ќе) се развива. Не само што имаме малку жители, туку и свеста за потребата и ефектите од ваквата работа, не се на доволно ниво. Дури откако ќе дојдат на групните обуки (или работилници) или ќе се сретнеме во компанија што не’ ангажирала, луѓето велат „Ах!“ и се воодушевени од она што ќе научат и ќе применат. 

Многу често ги забележуваме активностите што ги правите на кои се гледа работа со фотографии. Кажете ни за каква метода станува збор?

Во текот на моето лично искуство како професинален обучувач, коуч, ментор и фасилитатор, од морето алатки и методологии што ни се на располагање, правев комбинација од повеќе пристапи низ годините наназад. Она што го најдов и го добивам со методологијата и алатките Points of You, ги надмина сите мои очекувања. Сум сведочела на позитивни реакции и процеси и кај многу аналитични умови, и кај скептици, и кај средношколци и кај возрасни, сериозни и конзервативни луѓе, и во корпорации, државни институции, невладини организации… Учесниците на работилниците доаѓале до нови идеи, одлуки и увиди, ја пронаоѓале длабоката смисла, поврзаност и сатисфакција од својата работа, од тимот на којшто му припаѓаат, започнувале да зборуваат за себе и меѓу себе…

POINTS OF YOU се  сетови од картички со фотографии или зборови, комбинирани со музика, книги со приказни за story-telling и работа со метафори. Секоја од фотографиите е внимателно продуцирана и доловува теми од секојдневниот живот или изрази на лица. Таквиот квалитет на сликите овозможува да предизвикаат одредени реакции  кои клиентот тешко сам би ги искажал со зборови, со што  фотографијата добива магична моќ. Оваа исклучително иновативна методологија е развиена во Израел и се применува насекаде низ светот. Јас ја применувам од 2016 година и сум сертифициран експерт тренер, а веќе ја пренесов на повеќе од 60 професионални лица од кај нас за да ја користат во својата работа, уште од 2018 год.  Ова лето, кај нас обучив уште 12 практичарки што ќе ја шират натаму оваа методологија и ќе обучуваат и други да го применуваат овој иновативен пристап и материјали. Замислете што би можеле да направиме ако би биле прифатени во училиштата?

Што е за тебе иновативност? Колку си била иновативна до сега? Колку е иновативна твојата работа, покрај оваа феноменална методологија за којашто ни објасни?

Се сеќавам, порано мислев дека иновативност е да измислиш нов производ, да бидеш инженер, научник (професор Балтазар од цртаните филмови), но, сфаќам дека и многу луѓе се’ уште го учат значењето на тој збор и што подразбира, што носи… Зборот потекнува од латинскиот збор innovare и значи да се обнови, што повторно потекнува од нов, ново.

Но, значи многу повеќе. Jас вака гледам на тоа: живеејќи во природа, во Универзум којшто постојано се менува, „иновира“ и никогаш не е ист (!), менувањето, односно иновацијата е начин да преживееме.

Како можат нашите фирми или претприемачи да бидат иновативни во ова тешко време?

Не е лесно, притисокот е голем, како на финансиски план или во делот на можности за реализација (испорака на производот или услугата), така и во областа на нашиот ум, бидејќи има голема бучава. Од секаде пристигаат различни и огромен број информации, разочарување за неисполнети планови, разочарување од несовесни и невнимателни сограѓани… Секогаш имаме избор – дали ќе се препуштиме на ситуацијата, на околината, дали ќе се жалиме или нешто ќе менуваме. Дали ќе иновираме? Дали ќе правиме нешто поинаку? Можеме да ги смениме начините на работа, можеме да смениме за кои клиенти (пазари) служиме, можеме да го смениме нашиот производ или услуга (или начинот на достапност)… Конечно, можеме да почнеме да се менуваме, иновираме себеси.

This image has an empty alt attribute; its file name is August-6-1-1024x729.jpg

Некоја порака за крај?

Светот се ресетира и се обидува да се извлече од пајажината во којашто се заплетка. Голем дел од светот оди напред (или веќе беше отиден уште пред да започне оваа здравствена криза со вирусот). Мојата порака е да се отвориме и да иновираме. Да бараме, да нудиме и да прифаќаме нови начини на работење, на заработка, на лична реализација, на опстојување на компаниите, нови начини на постоење. Тоа започнува од најтешкиот, а најефикасниот процес – иновација во начинот на размислување и доживување на светот. Дали се доживуваме немоќни и како жртви на другите (кадешто оди и вината) или се доживуваме како способни суштества со ресурси во самите нас.

Тоа е мојата порака: во секој момент имаме можност и слобода да менуваме нешто кај нас. Можеме да престанеме нешто да правиме, можеме да почнеме нешто ново да правиме или на поинаков начин, можеме многу нови работи да научиме, дури сега е подостапно. Потребна е само внатрешна волја и да си дадеме дозвола.

 

 


Разговараше – Верица Јорданова

Извор: inovativnost.mk/

Сложувалка

Една од добрите активности за насочување на вниманието и смирување на енергијатана моето дете е – редење сложувалка. И, така,летово, наредивме две. Големи. Се редеа со денови, понекогаш поради тоа сите јадевме во дневната соба, за да биде слободна масата во кујната, за, на неа, да биде распослана сложувалката.

Децата се нашите учители, тие се нашите водители кон подобри верзии од нас.
Така и јас, по не знам кој пат, освестив нешто ново. Всушност, освестив две работи.

Не знам дали сте ределе голема сложувалка, со многу делчиња? Дали ви е познато чувството кога не можете да најдете едно делче? Гледате, преместувате, се наваднувате под масата, ги пребарувате делчињата….го нема! Потоа се насочувате на друг дел од сликата, правите друга целина за да ви се смени шарата пред очите, па пак барате, па пак се враќате…и така… Она што ми се случи како увид, лекција и момент на растење – беше кога на два пати делчето ми се „појави“ тука пред очи! Тоа било тука цело време, јас не сум го видела.

Колку пати сте застанале да земете воздух, да го смирите умот, да се насочите на нешто друго, за потоа кога ќе се вратите – решението да биде пред вашите очи? Пред носот, како што велиме.

Колку пати решението го барате таму некаде, далеку или надвор од вас, а тоа било пред вас или во самите вас?

виделе бидејќи сте биле зафатени со – барање.

Одете понатаму. Што друго во животот не гледам пред мојот нос?
Кое решение во мојата работа не го гледам или не го слушам во главата?
Каде да се раздвижам, да се свртам – за да го најдам?

Другото искуство од сложувалките, за среќа, не го доживеав летово, но, помислив на него. Можеби вие сте го доживеале редејќи сложувалка? Последното делче?

Сложувалката не може да биде цела, да биде готова без тоа едно делче. Ќе има дупка, ќе недостасува една шара, ќе има празен простор и нема да е целина.

Така е и со светот. Тоа делче сте вие.

Излезете, живејте ја вашата приказна. Дајте го вашиот придонес. Зашто, ниту едно друго делче од сложувалката не е како вас. Ниту едно друго делче ја нема вашата форма, шара, место во целата слика. А, како делче, вие, можеби, не можете да ја видите целата слика и се прашувате за својата улога, за своето место, за својата вредност. Ако успеете да се издигнете над целата слика, ќе го видите своето место, ќе ја видите својата улога и ќе ја осознаете својата вредност што, како уникатно делче, ја давате на целата сложувалка.

Оваа планета што без прекин се врти со незамислива брзина околу својата оска и околу сонцето, во некој бесконечно широк простор наречен вселена, веројатно знае што прави.
И тоа го знае многу повеќе од нас.

Затоа, не двоумете се многу. Комплетирајте ја сложувалката со вашето активно постоење и придонес.

Ирена Јакимова, Професионален обучувач за возрасни и тренер (coach), ментор за личен и професионален развој

Inspirit Coaching


Извор : zenskimagazin.mk

Независност

Колумнава ја пишувам на Денот на независноста.

Ќе се свртам кон две работи, според мене, важни за нашата земја, важни за секој поединец. Ќе се обидам да се поврземе со Македонија преку две теми.
Ако не се поврземе со нешто повеќе од извод од матично и лична карта на живеење, тогаш може и да не биде лесно да се поврземе воопшто. Да се поврземе со поимот независност, прво. На крајот, ќе се поврземе со уште еден поим. Па, да видиме како ќе ни оди…

Пред да зборуваме за независност, сакам да свртам внимание на тоа дека сите ние сме меѓузависни. Зависиме едни од други. И не само во земјата каде што живееме, туку и со земјата на којашто живееме, како почва и како воздух, како вода и како рудни и други богатства што ги дава. Колку сме свесни за оваа меѓузависност?

Понатаму, меѓузависни сме како луѓе.

Однесувањето на едни влијае на животите на други. Многу повеќе меѓу нас овде што сме, а секако и со сите луѓе од светот, со човештвото (зарем не ни е годинава добар пример?). Дрвото што го посадиле едни, влијае на животот на други, политичките одлуки на едни, влијаат на животот на други, зборот што го пишале едни (убав или клетва) влијае на расположението на други. Ѓубрето што го расфрлиле едни, влијае на животите на други. Данокот што (не) го платиле едни, влијае врз животите на други. Бесното возење, со бучава и невнимание на едни, влијае врз животите на други. Заедничките ресурси што ги украле едни, одземаат од животите на други. Доматот што го посадиле едни, има место во животите на други… Да не набројувам до утре. Размислете и пишете си како сме меѓузависни. Како сме дел од една целина, небаре е суштество. И планетата Земја, и Македонија, како држава или заедница.

Понатаму, да прашам за независноста?

Дали државата е независна, може да биде тема на друг текст, за друго место, но, овде ќе ве прашам за поединечната, личната (не)зависност на секој од нас?
На тебе, на мене, нејзината, неговата?
Од што зависите?
Кој ги „држи и влече“ конците на вашиот живот?
Навики? Стари верувања? Семејството? Родителите? Сопружникот? Партијата?

Туѓото мислење?
Колку сте независни од туѓото мислење, од туѓата оценка на вашите постапки, на вашите одлуки, на вашата личност? Колку сте независни од барање и примање пофалби и одобрување? Колку сте независни од критики? (тука не зборувам за корисни, повратни информации). Колку сте независни од своите мисли и верувате дека сите се вистинити и исправни?   

Ве канам и предизвикувам да седнете и да напишете од што сте зависни, зошто е тоа така и на кој од тие одговори (области, ситуации) би можеле да имате влијание. Наредното нешто што ќе ве поканам е да си напишете во која област, во кој дел од вашиот живот (работа) би можеле да станете помалку зависни или сосема независни.

Дали тоа навистина го сакате? Ако не, што е скриената придобивка на вашата зависност? Што добивате со тоа што сте зависни од тоа што го забележавте? И, конечно, што можете да почнете да преземате за да станете независни и во таа област (дел), ако сакате?

И, како што би рекле на ТВ:
„Но, тоа не е сè!“

Доколку го дочитавте овој текст и си ги напишавте, за себе, сите погоре наведени прашања и нивните можни одговори, според вашата сегашна состојба, имате бонус прашање:
„Што и како треба да се однесувате доколку би биле зависни од НАДЕЖТА?“

Каков е тој живот во којшто зависам од надежта, од вербата дека може и ќе направам да биде подобро, дека ќе се обидам уште еднаш, и уште еднаш, и уште еднаш…да верувам, да пробам, да подобрам, да сменам, да успеам. Да успееме?

Македонија, со ваков идентитет, како 29-годишна убава, умна и добродушна девојка, којашто премногу од својата судбина стави во рацете на неискрени, нечесни и неспособни луѓе, несвесна за својата убавина, за своето внатрешно богатство, за својата вредност и капацитети, сè уште дише и цвета во својата природна убавина, сè уште раѓа или храни луѓе што можат, умеат, знаат и смеат… Таа нема каде да оди во својата географска поставеност, но, ние со нашиот ум можеме каде сакаме да одиме, имаме избор да веруваме од што ќе зависиме, и поединечно и заедно со неа.

Да почнеме со зајакнување на нашето зависење од надежта, за да стануваме сè понезависни во нашата меѓузависност.

Ирена Јакимова, Професионален обучувач за возрасни и тренер (coach), ментор за личен и професионален развој

Inspirit Coaching


Извор: zenskimagazin.mk